16mar
Þegar "valhoppað" er á Glerártorgi geta viðskiptavinir átt von á ýmsu skemmtilegu. Sunnudaginn 20. mars nk. verður efnt til uppboðs til styrktar Krabbameinsfélagi Akureyrar í tilefni að átakinu Karlmenn og krabbamein. Boðinn verður upp fjölbreyttur varningur og rennur söluandvirði hans óskert til félagsins. Því er kjörið að koma í heimsókn og eiga skemmtilega stund, taka þátt í uppboðinu og styðja um leið við gott málefni. Einungis verður um staðgreiðslu að ræða og minnt er á að hraðbankar eru í húsinu.
