27okt
Næstkomandi laugardag kl. 15:00 fer Valhoppsuppboð fram á Glerártorgi. Þetta er í annað sinn sem verslanir gefa ýmsar gæðavörur sem boðnar eru upp til styrktar góðu málefni. Í þetta sinn rennur söluandvirði þeirra vara sem upp verða boðnar óskert til Mæðrastyrksnefndar. Auk þess sem verslanirnar láta af hendi rakna þá verða einnig boðnir upp leðursófar, trébekkir (garðbekkir), borð og stólar. Um er að ræða notaða hluti sem hugsanlega þurfa smá lagfæringu.
Uppboðshaldari verður Skúli Gautason, leikari með meiru. Hér er á ferðinni skemmtilegt tækifæri til að eignast góða vöru á "uppboðsverði" og styðja um leið við gott málefni.
